Stitch kaise use karein

Boutique, tailor aur designer ke liye — 13 chhote steps. Har step 2 minute ka.

1Shuru kaise karein

1. hloo.in/myfit/signup kholiye — boutique ka naam, apna naam, phone. Bas.
2. Pehli baar app khulte hi apna password bana lijiye (Profile me).
3. Phone par: browser ke menu se "Add to Home screen" — app jaisa icon ban jayega.

2Apni dukaan sajaiye

1. Settings → Business profile — logo lagaiye ya "Logo banao" se 50 roop me se chuniye.
2. Hero photo (dukaan ya khaas design) — Adjust se upar-neeche kar sakte hain.
3. Tagline aur About khud likhiye ya "Bio likhwao" dabaiye.
4. Phone, WhatsApp, pata, samay bhariye — daayein/neeche preview me turant dikhta hai.
5. Save. Aapka page: hloo.in/myfit/s/<aapka-naam>

3Customer jodiye

1. Customers → Add customer — sirf naam zaroori, phone ho to WhatsApp chalega.
2. Kisi bhi row par tap = customer khulta hai: naap, orders, WhatsApp, naya order.
3. Dashboard par Bulao — invite ka link WhatsApp par bhejiye, customer apna naap khud bhar dega.

4Naap lijiye

1. Customer kholiye → Add measurements.
2. Upar kapda chuniye (Suit, Blouse, Lehenga…) — sirf usi ke naap dikhte hain. Baaki "Aur naap" me.
3. in / cm ek tap me. Height 5.4 likhiye = 5 ft 4 in.
4. Purane naap kabhi delete nahi hote — history rehti hai.

5Designs daaliye

1. Designs → New design — photo, naam, price, category.
2. Photo ka cut out banaiye (background hat jaata hai) — customer try-on me apne upar dekh payega.
3. Design number apne aap banta hai (jaise MB-1001). Order me isi se uthta hai.

6Order banaiye

1. Orders → New order. Customer ka naam likhna shuru kariye — mil gaya to chuniye, nahi to wahi se naya ban jaata hai.
2. Item likhiye ya From designs se uthaiye. Qty × rate = total apne aap.
3. Advance ₹ yahin daaliye — payment aur receipt apne aap ban jaati hai.
4. Trial aur delivery date daaliye — dashboard par Delivery today / Overdue me dikhega.

7Kaam kahan tak pahuncha

1. Order kholiye — upar New → Cutting → Stitching → Trial → Ready → Delivered par tap kariye.
2. Status badalte hi WhatsApp message taiyaar mil jaata hai — ek tap me customer ko.
3. List me har order ke aage ₹ ▶ ✉ — payment, agla status, WhatsApp, bina khole.

8Payment lijiye

1. Order me Record payment — amount, cash/UPI, chahe to UPI ka screenshot.
2. Har payment par receipt apne aap banti hai — link WhatsApp par bhejiye.
3. Dashboard par Balance due aur Collected this month hamesha saamne.

9WhatsApp par baat

1. Har jagah se WhatsApp button — message pehle se likha hua, Hinglish ya English.
2. Naya roop dabaiye to wahi baat doosre shabdon me. Copy ya seedha WhatsApp.
3. Order received, trial ready, delivery, payment — sab ke tayyar sandesh.

10Estimate aur Bill

1. Bills → New estimate — order se pehle customer ko andaaza dijiye. Link WhatsApp par.
2. Estimate pasand aaya → ⋯ → Order banao, items apne aap aa jaate hain.
3. Order me ⋯ → Bill banao — GST number Settings me ho to tax invoice banta hai.

11Aapka apna page

1. Customer ko aapka naam, logo, rang dikhta hai — Stitch nahi.
2. Designs, videos, sampark, Google Maps ka rasta, neeche WhatsApp / Call hamesha.
3. Link Instagram bio me lagaiye, WhatsApp status par daaliye. Share button page par hi hai.

12Try-on — customer apne upar dekhe

1. Aapke page par design par tap → Photo lo → design customer ke upar.
2. Photo customer ke phone me hi rehti hai — server par nahi jaati.
3. "Ye chahiye" dabaate hi aapko Orders → Requests me farmaish milti hai — ek tap me order.

13Team aur invite

1. Settings → Staff — karigar/staff ka login, kya dekh sake wo aap tay kariye. Rate per piece bhi.
2. Dashboard par Bulao — customer aur staff dono ke invite link ek jagah.